I PREMIOS DO DEPORTE EN MIÑO

15/12/2022

O Concello de Miño quere recoñecer anualmente aqueles/as deportistas, equipos, asociacións e clubs do municipio que destacaran dun xeito especial na tempada que remata, por este motivo convoca os 1º primeiros Premios do Deporte de Miño tempada 2021-2022.

A finalidade é poñer en valor os méritos e capacidades de persoas e entidades deportivas que contribuíron a potenciar a práctica deportiva no municipio ou alcanzaron éxitos en competicións e campionatos.

Os galardóns serán entregados nunha gala que terá lugar o 16 de decembro no local social de A Rúa.